
Mama-ginekologiyada tibb bacısı (qardaşı) işi ixtisaslaşması qadınların müxtəlif həyat mərhələlərində sağlamlıq və qulluq ehtiyaclarının qiymətləndirilməsi, hamiləlik, doğuş və doğuşdan sonrakı dövrdə, həmçinin ginekoloji xəstəliklər zamanı qulluğun planlaşdırılması və təşkili istiqamətlərini əhatə edir.
Magistr hazırlığının məqsədi mamalıq və ginekologiya sahəsində elmi sübutlara əsaslanan qulluq, pasiyentin vəziyyətinin izlənməsi, risklərin vaxtında müəyyənləşdirilməsi, maarifləndirmə və xidmətin keyfiyyətinin qiymətləndirilməsi üzrə bilik və bacarıqları inkişaf etdirməkdir. Hazırlıq zamanı qadının fərdi ehtiyaclarına, reproduktiv sağlamlığa, ana və yenidoğulmuşun təhlükəsizliyinə, etik davranışa və multidissiplinar əməkdaşlığa xüsusi diqqət yetirilir.
