ATU Startap

İdeyadan innovativ həllərə, innovativ həllərdən gələcəyin səhiyyəsinə.

ATU Startap Azərbaycan Tibb Universitetində innovasiya və sahibkarlıq mühitinin formalaşdırılması, yeni ideyaların dəstəklənməsi və səhiyyə sahəsində innovativ layihələrin inkişaf etdirilməsi məqsədilə fəaliyyət göstərən platformadır.

Platforma tələbə, magistrant, doktorant, müəllim, həkim və digər universitet nümayəndələrini innovativ ideyalar ətrafında bir araya gətirərək onların bilik, təcrübə və potensialını real layihələrə çevirmələri üçün imkan yaradır.

Əsas məqsədimiz tibb və səhiyyə sahəsində mövcud problemləri müəyyənləşdirərək onlara elmi əsaslı, texnoloji və tətbiq oluna bilən həllər yaratmaq, innovativ ideyaların ilkin konsepsiyadan real layihələrə qədər inkişafını dəstəkləmək və Azərbaycan Tibb Universitetində davamlı innovasiya ekosistemi formalaşdırmaqdır.

Fəaliyyət istiqamətlərimiz

- İnnovativ ideyaların inkişafı – yeni ideyaların müəyyənləşdirilməsi, qiymətləndirilməsi və layihəyə çevrilməsi;
- Mentorluq və təlimlər – innovasiya, sahibkarlıq, layihələrin idarə edilməsi və startapların inkişafı üzrə praktiki bilik və dəstəyin təmin edilməsi;
- Multidissiplinar əməkdaşlıq – müxtəlif ixtisas, peşə və akademik səviyyələrdən olan iştirakçıların birgə layihələr həyata keçirməsinə şərait yaradılması;
- Prototipləşdirmə və layihələrin inkişafı – ideyaların ilkin konsepsiyadan tətbiq oluna bilən məhsul və xidmətlərə qədər inkişaf etdirilməsi;
- Tərəfdaşlıq və şəbəkələşmə – universitet, səhiyyə sektoru, özəl sektor, innovasiya ekosistemi, investorlar və digər tərəfdaşlarla əlaqələrin qurulması;
- Müsabiqə və təqdimatlar – innovativ layihələrin nümayiş etdirilməsi, qiymətləndirilməsi və inkişaf imkanlarının genişləndirilməsi.

Missiyamız

ATU Startap-ın missiyası Azərbaycan Tibb Universitetinin elmi, akademik və peşəkar potensialını innovativ ideyaların və real layihələrin inkişafına yönəltmək, səhiyyənin aktual problemlərinə yeni nəsil həllərin hazırlanmasına dəstək olmaqdır.

Biz elm, tibb, texnologiya və sahibkarlığı bir araya gətirən əməkdaşlıq mühiti formalaşdıraraq universitet daxilində innovasiya mədəniyyətinin inkişafına və səhiyyə sahəsində qabaqcıl layihələrin yaranmasına töhfə verməyi hədəfləyirik.

ATU Startap — ideyaların yarandığı, potensialın inkişaf etdirildiyi, komandaların formalaşdığı və səhiyyənin gələcəyini dəyişdirə biləcək innovativ həllərin həyata keçirildiyi platformadır.