
Elmi fəaliyyət kosmetik məhsulların tərkibinin və hazırlanma texnologiyasının işlənib hazırlanması, komponentlərin uyğunluğunun öyrənilməsi və məhsulun keyfiyyət göstəricilərinin qiymətləndirilməsi istiqamətlərini əhatə edir.
Magistrantlar tədqiqat çərçivəsində formulasiya variantlarının hazırlanması, texnoloji parametrlərin seçilməsi, fiziki-kimyəvi xüsusiyyətlərin və sabitliyin tədqiqi, nəticələrin təhlili və sənədləşdirilməsi üzrə bacarıqlarını inkişaf etdirirlər. Təhlükəsizlik və təsir göstəricilərinin araşdırılması tədqiqatın məqsədinə, mövcud imkanlara və müvafiq etik tələblərə uyğun təşkil olunur.
Təhsil proqramında elmi-pedaqoji və elmi-tədqiqat təcrübəsi, eləcə də magistrlik dissertasiyasının hazırlanması nəzərdə tutulur. Tədqiqat mövzusu, elmi rəhbər və təcrübə bazası universitetin müvafiq qaydalarına uyğun müəyyənləşdirilir.
