Azərbaycan Tibb Universitetində (ATU) doktoranturaya qəbul üzrə ixtisas imtahanları uğurla başa çatıb. Qəbulun bütün mərhələləri müəyyən edilmiş qaydalara uyğun, obyektivlik və şəffaflıq prinsipləri əsasında təşkil olunub.

Sentyabrın 14-dən 18-dək keçirilən ixtisas imtahanları 22 ixtisası əhatə edib və 46 namizəd iştirak edib. İmtahan prosesində namizədlərin bilik və hazırlıq səviyyəsinin obyektiv qiymətləndirilməsi təmin olunub.

Bu il ATU-da doktoranturaya qəbul üçün 68 nəfər qeydiyyatdan keçib. Xarici dil və fəlsəfə imtahanlarını uğurla keçən 46 namizəd ixtisas imtahanlarında iştirak hüququ qazanıb.

Beləliklə, doktoranturaya qəbul üzrə imtahan mərhələləri uğurla yekunlaşıb.