Mövzunun adı: 

Transplantasiya və cərrahi patologiyalarda süni intellekt, genetik biomarkerlər və innovativ texnologiyalar əsasında fərdiləşdirilmiş diaqnostika və müalicə strategiyalarının işlənməsi

Mövzunun aktuallığı:

Süni intellektin tibbdə tətbiqi, genetik biomarkerlər əsasında xəstəlik riskinin proqnozlaşdırılması və cərrahiyyədə minimal invaziv texnologiyaların inkişafı fərdiləşdirilmiş tibb konsepsiyasını daha əlçatan edir. Transplantasiya və böyük cərrahi əməliyyatlar yüksək riskli sahələr olduğundan bu texnologiyaların inteqrasiyası klinik nəticələrin yaxşılaşdırılması baxımından xüsusi aktuallıq kəsb edir. Dünyada presizyon tibbə keçid sürətlənsə də, ölkəmizdə bu istiqamətdə kompleks yanaşmaların araşdırılmasına ehtiyac böyükdür.

Məqsədi:

Transplantasiya və cərrahi patologiyalarda süni intellekt alqoritmləri, genetik biomarkerlər və innovativ texnologiyaların inteqrativ istifadəsi ilə fərdiləşdirilmiş diaqnostika və müalicə strategiyalarının işlənməsi və kliniki effektivliyinin qiymətləndirilməsi.

Elmi yenilik dərəcəsi:

Transplantasiya və cərrahi patologiyalara dair klinik, genetik və görüntü məlumatlarının birləşdirildiyi kompleks süni intelekt modelinin hazırlanması. Genetik biomarkerlərə əsaslanan fərdiləşdirilmiş risk qiymətləndirmə metodunun işlənilməsi.Cərrahi qərar dəstək sistemi kimi istifadə oluna biləcək yeni inteqrativ diaqnostik-proqnostik platformanın tətbiqi.

Gözlənilən nəticələr:

1. Xəstəlik riskinin və transplantasiya sonrası ağırlaşmaların proqnozlaşdırılmasında yüksək dəqiqliyə malik süni intellekt modeli.
2. Genetik biomarkerlərin klinik praktikada istifadəsi üçün elmi əsaslandırılmış tövsiyələr.
3. Fərdiləşdirilmiş müalicə və cərrahi müdaxilə qərarlarının dəqiqləşdirilməsi.
4. Əməliyyat sonrası ağırlaşma və ölüm göstəricilərinin azalması.
5. Klinik praktikaya tətbiq edilə biləcək inteqrativ diaqnostik alqoritm.

Tətbiq sahəsi:                                                                                                 

Tədqiqat işinin nəticələri transplantasiya mərkəzlərində və cərrahi profilli stasionarlarda xəstələrin erkən diaqnostikası, donor–resipient uyğunluğunun qiymətləndirilməsi, əməliyyata hazırlıq mərhələsində risklərin proqnozlaşdırılması və əməliyyat sonrası ağırlaşmaların qarşısının alınması məqsədilə tətbiq oluna bilər. Hazırlanan süni intellekt əsaslı diaqnostik-proqnostik model klinik qərarvermə prosesində cərrahlar, transplantoloqlar və reanimatoloqlar üçün qərar dəstək sistemi kimi istifadə edilə bilər.

Səmərəlilik :

Tədqiqat çərçivəsində hazırlanacaq inteqrativ diaqnostik-proqnostik sistem klassik klinik və laborator yanaşmalarla müqayisədə daha yüksək proqnozlaşdırıcı dəqiqlik təmin edəcəkdir. Klinik, genetik və radioloji məlumatların süni intellekt vasitəsilə birgə təhlili əməliyyatönü və əməliyyatsonrası mərhələlərdə ağırlaşmaların vaxtında aşkar edilməsinə, müalicə taktikasının fərdiləşdirilməsinə və cərrahi qərarların elmi əsaslarla verilməsinə imkan yaradacaqdır.