Elmi istiqamət: Vəhşi və əhli heyvanlarda parazitlik edən zoonoz helmintlərin yayılmasının, insanlara ötürülmə yollarının və ictimai sağlamlıq üçün yaratdığı risklərin araşdırılması.

Elmi problem: Vəhşi və əhli heyvanlarda parazitlik edən patogen helmintlərin insan üçün təhlükəsi. UOT.

Mövzunun adı. Azərbaycanda yaşayan balıq, quş və məməlilərin patogen helmintləri və onların insan üçün təhlükəsi.

Mövzunun aktuallığı. Vəhşi və əhli heyvanların patogen parazit qurdları.

Tədqiqatın məqsədi. Azərbaycanda yaşayan vəhşi və əhli heyvanların patogen helmintlərini ayırd etmək, onların morfoekoloji xüsusiyyətlərini müəyyənləşdirmək və insanlar üçün təhlükəlilik dərəcəsini göstərmək.

Tədqiqatın vəzifələri. Vəhşi və əhli heyvanların patogen helmintlərinin təsnifat icmalını təqdim etmək;həmin helmintlərin müxtəlif növ heyvanları yoluxdurma dərəcəsini göstərmək;patogen helmintlərin Azərbaycan ərazisində coğrafi yayılma qanunauyğunluqlarını müəyyənləşdirmək;vəhşi və əhli heyvanlarda parazitlik edən patogen helmintlərin insan üçün təhlükəlilik dərəcəsini aydınlaşdırmaq;patogen helmintlərin insanlar üçün olan təhlükəsini aradan qaldırmaq, yaxud əhəmiyyətli dərəcədə azaltmağa yönəlmiş əməli tövsiyyyələri işləyib hazırlamaq

Tədqiqatın obyekti. Vəhşi və əhli heyvanlarda parazitlik edən helmintlər.

Tədqiqat üsulları. Mövzu üzrə həyata keçiriləcək tədqiqatlarda əhli və vəhşi heyvanların tam helmintoloji yarma üsulu ilə tədqiq olunması və aşkara çıxarılmış bütün parazit qurdların toplanaraq müvafiq üsullarla fiksə edilib onlardan preparatlar hazırlanması, Azərbaycan Tibb Universitetinin Tibbi biologiya və Genetika kafedrasının, həmçinin AR ETN Zoologiya institutunun Parazitologiya laboratoriyasının kolleksiyalarında olan helmint preparatlarının tədqiqi nəzərdə tutulur.

Gözlənilən elmi yenilik. Həyata keçiriləcək tədqiqatlar nəticəsində ilk dəfə olaraq Azərbaycanda yaşayan vəhşi və əhli heyvanların patogen helmintlərinin tam siyahısı tərtib olunacaq, onların hər birinin öz sahibləri və coğrafi bölgələr üzrə yayılma qanunauyğunluqları, insan üçün nə dərəcədə təhlükəli olduğu müəyyən ediləcək, patogen helmintlərin insanlar üçün olan təhlükəsini aradan qaldırmaq, yaxud əhəmiyyətli dərəcədə azaltmağa yönəlmiş əməli tövsiyyyələr işləyib hazırlanacaq.

Elmi-praktik əhəmiyyəti. Nəzərdə tutulan tədqiqatlar patogen helmintlərlə onların sahibləri arasında olan qarşılıqlı münasibətlərin xarakterini daha dərindən açıqlamaqla, həmin helmintlərin coğrafi yayılma qanunauyğunluqlarını müəyyən etməklə mühüm elmi əhəmiyyətə malikdir.Tədqiqatların praktiki əhəmiyyətini onların aparılması nəticəsində vəhşi və əhli heyvanların patogen helmintlərinin ayrı-ayrı növlərinin insan üçün təklükəlilik dərəcəsinin müəyyən edilməsində və bu təhlükənin aradan qaldırılmasına, yaxud əhəmiyyətli dərəcədə azaldılmasına yönəlmiş əməli təkliflərin işlənib hazırlanacağından irəli gəlir.